Pa prostu / Па-просту

  • Płacz zwanoŭ

    21. Samaabarona i śmierć Żyda Berszki (2)

    Savieckaje vojsko i pahraniczniki spaczatku ŭsich ludziej z hetych troch viosak vyvieźli za Śvisłacz na zborny punkt u Nieparożnicach. Zahadali im usio z saboju zabrać, szto tolko mahli ŭziać na furmanku. Pośle saviety mieli ich parassyłać dalej u Biełaruś. Raptam pryjszoŭ zahad, szto kali chto…ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

  • Kinoman

    8. Kuneć sielanki

    Nocami z pod ramion krzyżów na rozdrogach sypie się gwiazd błękitne próchno chmurki siedzą przed progiem w murawie to kule białego puchu dmuchawiec Księżyc idzie srebrne chusty prać świerszczyki świergocą w stogach czegóż się bać (Józef Czechowicz, „Na wsi”, 1927) Jak mniê diś dumajetsie, dekada… ЧЫТАЦЬ ДАЛЕЙ / CZYTAJ DALEJ

RSS і Facebook

Багаты літаратурны конкурс

Лаўрэаты ХІІ Конкурсу беларускай паэзіі і прозы „Дэьют”. Фота Міры Лукшы
Лаўрэаты ХІІ Конкурсу беларускай паэзіі і прозы „Дэьют”.
Фота Міры Лукшы

Чарговы, ХХІІ выпуск Конкурсу беларускай паэзіі і прозы «Дэбют» абвешчаны быў яшчэ з вясны ў «Ніве». На працягу конкурсу (пачаўся ў 1996 годзе) прыняла ў ім удзел амаль тысяча асоб. У рэдакцыі «Нівы», арганізатара конкурсу,  засакрэчаныя тэксты аўтараў чакаюць да апошняга дня  кастрычніка. Як штогод на падвядзенне конкурсу ў Беластоку (22 снежня) з’ехаліся не толькі самі аўтары, але таксама іхнія бацькі, дзеці, мужы ці жонкі, настаўнікі, сябры і нават суседзі. Часам прыязджае цэлы фан-клуб – як пераможцы конкурсу ў дарослай катэгорыі Дар’юша Жукоўскага з падваршаўскага Велішэва, лесніка па адукацыі, аматара жывапісу, якога можна назваць чалавекам рэнесансу. Творы з «Дэбюту»,  неабавязкова  ўзнагароджаныя ў каторымсь выпуску конкурсу, становяцца народным песнямі, як  вершы Мікалая Варанецкага з Альхоўкі (ІІІ месца) –  спяваюць іх між іншым «Цаглінкі» і «Нараўчанкі» ці пушчанскай Валянціны Мядзведзь, цяпер з Беластока (гурт Лаіланд»). З сярод удзельнікаў конкурсу „Дэбют” на працягу гадоў выйшлі аўтары, у якіх ёсць ужо свае кнігі, як, напрыклад, Юрка Буйнюк (Маліннікі), Кацярына Сянкевіч (Нарва), Багдан Дудко (Цісоўка), Вера Русіновіч (Нарва), Вера Радзіванюк (Міхнаўка), Кастусь Целушэцкі (Новае Ляўкова). Некаторыя ўдзельнікі  сталі журналістамі, філолагамі.

Пераможцамі сёлетняга выпуску «Дэбюту» з’яўляюцца – у першай групе – сёстры-блізнючкі Марта (І месца) і Магдаліна (ІІІ) Драздоўскія з Міхалоўскай школы, Наталля Кіндзюк з Лешукоў з Нараўчанскай школы (ІІ месца), вылучаны творы Алівіі Козёл з Міхалова, народжанай у Лондане. У «дарослай» групе перамагла ў прозе  студэнтка права з Васількова Юлія Маргарыта Бяганская (выпускніца Гайнаўскага белліцэя), на другім апынулася Ірэна Лукша (таксама выпускніца Гайнаўскага белліцэя, якая працуе «салёвай» у гайнаўскай бальніцы), на трэцім – настаўнік-пенсіянер ды спявак з Альхоўкі ў Нараўчаснкай гміне – Мікалай Варанецкі. Сярод паэтаў перамог Дар’юш Жукоўскі з Велішэва,  другая з творамі на падляшскай гаворцы вёскі Катлоўкі была Вера Русновіч з Нарвы, а на трэцім апынуліся вершы даўгагадовай  удзельніцы «Дэбюту» (яшчэ ад пачатковай школы ў Нараўцы) вучаніцы Гайнаўскага белліцэя Уршулі Марчук.

Пераможцы конкурсу ў дарослай катэгорыі: Юлія Маргарыта Бяганская – у прозе i Дар’юш Жукоўскагі – cярод паэтаў Фота Міры Лукшы
Пераможцы конкурсу ў дарослай катэгорыі: Юлія Маргарыта Бяганская – у прозе i Дар’юш Жукоўскагі – cярод паэтаў
Фота Міры Лукшы

На зваяршэнне конкурсу, у клубе «Цэхова» ў Беластоку, апрача твораў пераможцаў, прагучаў канцэрт бардаў і пісьменнікаў з Беларусі Андрэя Хадановіча і Алеся Камоцкага, якія пабывалі сёлета на Міжнародным літаратурным семінары «Бязмежжа» ў Ляўкове ў багатай дэлегацыі ад СБП, прывезшы ўдзельнікам конкурсу «Дэбют» мноства падарункаў-кніжак ад Саюза беларускіх пісьменнікаў і выдавецтва «Кнігазбор».

У арганізацыі чарговага выпуску конкурсу «Дэбют» «Ніву» падтрымалі Міністр Унутраных Спраў і Адміністрацыі Польшчы, Машалкоўская Управа Падляшскага ваяводства,  Саюз беларускіх пісьменнікаў і Нараўчанская гміна. (лук)

Пакінуць адказ

Ваш адрас электроннай пошты не будзе апублікаваны.

Календарыюм

Гадоў таму

  • ў красавіку

    980 – у 1044 г. пачаў княжаньне ў Полацку Усяслаў Брачыслававіч, званы Чарадзеем. Яго славутая дзейнасьць была апісана ў паэме „Слова аб паходзе Ігаравым”. 920 – у 1104 г. адбыўся вялікі паход кааліцыі князёў Кіеўскай Русі, арганізаваны Уладзімірам Манамахам на …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (622) – 1402 г. – крыжацкі наезд на Гарадзеншчыну (таксама на частку Беласточчыны), аблога Гарадзенскага замку.
  • (70) – 22.04.1954 г. у Латвіі памёр Сяргей Сахараў (нар. 29.09.1880 г. у Полацку), беларускі фальклярыст і пэдагог, закончыў унівэрсытэт у Тарту (1911), узначальваў Беларускі аддзел Міністэрства асьветы Латвіі (1921-1925), у 1925-1932 гг. дырэктар Дзьвінскай Беларускай Гімназіі.

Новы нумар / Novy numer

Папярэднія нумары

Усе правы абаронены; 2024 Czasopis