![Падчас конкурснага вернісажу Фота арганізатараў](https://czasopis.pl/wp-content/uploads/2023/01/1.jpg)
Фота арганізатараў
18 снежня ў Музеі і асяродку беларускай культуры ў Гайнаўцы былі падведзены вынікі 18-га Агульнапольскага фотаконкурсу „Падляшша ў аб’ектыве” імя Віктара Волкава. Прыняло ў ім удзел 156 аўтараў з усяе Польшчы. Агулам прыслалі яны 429 фотаздымкаў, якія прадстаўляюць наш рэгіён.
![І-ая ўзнагарода. „Нібыта...” (у Белавежы) Фота Адама Высоцкага з Гайнаўкі](https://czasopis.pl/wp-content/uploads/2023/01/2.jpg)
Фота Адама Высоцкага з Гайнаўкі
Дасланыя працы ацэньвалі прафесійныя фатографы, сябры памерлага дзесяць гадоў таму незабыўнага Віктара Волкава. Гэта аўтарка фільмаў аб прыродзе Бажэна Валенцік, журналіст і падарожнік Тамаш Класоўскі, ляснік і кінарэжысёр Яраслаў Хыра і фотарэпарцёр Міхал Косць.
![ІІ-ая ўзнагарода. Царква ў Паўночным Востраве Фота Яраслава Клея з Саколкі](https://czasopis.pl/wp-content/uploads/2023/01/3-scaled.jpg)
Як кожны год на конкурсных фотаздымках прадстаўлены былі архітэктура, прырода і людзі. На іх відаць таксама як мяняецца Падляшша. Штораз менш ужо традыцыйнага краявіду ды ідылічнай вясковасці як на займальных здымках Волкава. Ідзе новае, якое не такое прывабнае. Таму журы ацаняла конкурсныя працы перадусім з мастацкага боку, шукаючы ў іх нейкай глыбейшай думкі і рэфлексіі.
![ІІІ-ая ўзнагарода. „Пейзаж на світанні” (Ласі-Тачылова ў гміне Завады Беластоцкага павету) Фота Анны Мысткоўскай-Плывачэўскай з Тамашкова](https://czasopis.pl/wp-content/uploads/2023/01/4.jpg)
Фота Анны Мысткоўскай-Плывачэўскай з Тамашкова
Тамаш Класоўскі прызнаўся, што прыехаў на Падляшша 50 гадоў таму, каб фатаграфаваць дзікіх птушак, асабліва жураўлёў. – Але сёння яны сталі звычайнай з’явай, – сказаў. – Аднак зніклі старыя хаціны, драўляныя жоравы, а мы іх не фатаграфавалі, – шкадаваў ён.
![Вылучэнне. Манастыр у Супраслі Фота Бэаты Вільчынскай са Студзянак](https://czasopis.pl/wp-content/uploads/2023/01/5.jpg)
Фота Бэаты Вільчынскай са Студзянак
Але Падляшша надалей застаецца культурнай мазаікай з беларускасцю, праваслаўем, непаўторнай архітэктурай ды ўнікальнай прыродай. Ёсць тут яшчэ што фатаграфаваць, каб дакументаваць такое багацце.
![„Чароўнасць падляшскіх успамінаў” (Біндзюга ў Міхалоўскай нміне) Фота Пятра Красоўскага з Беластока](https://czasopis.pl/wp-content/uploads/2023/01/6.jpg)
Фота Пятра Красоўскага з Беластока
Лаўрэатам першай прэміі ў конкурсе стаў Адам Высоцкі з Гайнаўкі, які шмат гадоў назірае і фатаграфуе прыроду. Журы было захоплена яго фотаздымкам, на якім прыгожы алень стаіць у Белавежы ля дарогі, па якой набліжаецца вайсковая машына.
![Спецыяльнае вылучэнне Міхала Косця. „І я мог гуляць на камп'ютары” (каля Янава-Падляшскага) Фота Анны Выгадны з Марысіна](https://czasopis.pl/wp-content/uploads/2023/01/7-scaled.jpg)
Фота Анны Выгадны з Марысіна
Арганізатарам фотаконкурсу зяўляецца беларускі музей у Гайнаўцы пры фінансавай падтрымцы Міністэрства ўнутраных спраў і адміністрацыі, таксама горада Гайнаўка і Гайнаўскага павету.