Pa prostu / Па-просту

Po pudlaśki / По-пудляські

  • Waśkowa spowed’ (1)

    Nadworie Styczeń sioho roku buw tepły i niemorozny. W Ryhoruwciach uże po tradycji bołoto, zemla rozmerzła. W miastowych czerewykach rozmemłeny kaluży preskokowaty treba, kob bołotom botiki ne barzo pobrudyty. Abo wody w ich ne nabraty. Peredom ide mużczyna pożyły, zhorbiany, pałkoju podperajetsia i ide czerez… ЧЫТАЦЬ ДАЛЕЙ / CZYTAJ DALEJ

RSS, Facebook i Telegram

Мабілізацыя ў Расіі

Адразу пасля абвяшчэння мабілізацыі маладыя расіяне масава пачалі з’язджаць за мяжу. На здымку – натоўп пасажыраў у аэрапорце Масква-Внукова Фота з Інтэрнету
Адразу пасля абвяшчэння мабілізацыі маладыя расіяне масава пачалі з’язджаць за мяжу. На здымку – натоўп пасажыраў у аэрапорце Масква-Внукова
Фота з Інтэрнету

21 верасня Уладзімір Пуцін абвясціў мабілізацыю 25-ці мільёнаў рэзервістаў. Прычынай стала ўкраінскае контрнаступленне. Украінцы адапхнулі расіян з часткі занятых імі зямель – на харкаўскім і херсонскім франтах.

Адзін з ваенных журналістаў напісаў, што з Багародні пад Святагорскам расіяне так хутка ўцякалі, што на пліце пакінулі нават недавараныя макароны. Усюды ляжала шмат зброі і боепрыпасаў. Свае фізіялагічныя патрэбы афармлялі на месцы, дзе жылі. У школе, нават у манастыры, дзе ў царкве за алтаром наладзілі сабе буфет. У самой вёсцы былі знойдзены целы ўкраінскіх салдатаў – без галоў і без абутку. І паўтузіна целаў забітых мірных жыхароў.

Разам з поспехамі ўкраінскай арміі ў Расіі пачалі з’яўляцца каментарыі аб здрадзе Пуціна, абвінавачванні ў пагаршэнні сітуацыі ў краіне і патрабаванні яго адстаўкі. З такой заявай выступілі дэпутаты 18-ці гарадскіх акруг Пецярбурга, таксама мясцовыя ўлады Ламаносаўскага квартала ў Маскве.

Нечакана Рамзан Кадыраў – прарасійскі лідар Чачні, якая ўваходзіць у склад Расіі – заявіў, што на яго тэрыторыі мабілізацыя праводзіцца не будзе. Ён сказаў, што ў баявых дзеяннях за час вайны ў Украіне і так прынялі ўдзел 20 тыс. чалавек і гэтым самым Чачня перавыканала план на 254 працэнты. Пра які план гаворка, не патлумачыў.

23 верасня пачаліся пяцідзённыя псеўдарэферэндумы аб далучэнні да Расіі чатырох украінскіх абласцей – Данецкай, Луганскай, Запарожскай і Херсонскай.

Ад пачатку, 24 лютага і пазней расійскія ваенныя дзеянні апраўдваў Аляксандр Лукашэнка. У сувязі з гэтым па Беларусі пайшоў страх, што і ў сябе аб’явіць ён мабілізацыю. Але Лукашэнка запярэчыў. – Не будзе ніякай мабілізацыі, гэта хлусня, – сказаў у размове з дзяржаўнымі журналістамі. Але пра расійскую мабілізацыю маўчаў, як і пра псеўдарэферэндумы аб далучэнні да Расійскай Федэрацыі чатырох акупіраваных Расіяй абласцей Украіны.

Лукашэнка дасканала ведае, што калі б увёў мабілізацыю ў Беларусі, каб паслаць беларусаў на вайну супраць Украіны, быў бы яму тады капец. Напэўна падняўся б бунт яшчэ большы чымсьці ў жніўні 2020 года.

Календарыюм

Гадоў таму

  • у лістападзе

    685 – у 1341 г. войскі Вялікага Княства Літоўскага акружылі крыжацкую цьвердзь Баербург і прыступілі да яе здабыцьця. Падчас атакі загінуў вялікі князь Гедымін. 210 – 4.11.1816 г. у мястэчку Кублічы каля Лепеля нар. Арцём Вярыга-Дарэўскі (пам. у ссылцы ў Сібіры …ЧЫТАЦЬ ДАЛЕЙ / CZYTAJ DALEJ

Новы нумар / Novy numer

Папярэднія нумары / Poprzednie numery

Усе правы абаронены; 2026 Czasopis
Social Media Auto Publish Powered By : XYZScripts.com