15 чэрвеня пры царкве Св. Духа ў Беластоку ля помніка закатаваным праваслаўным жыхарам Беласточчыны ў 1939-56 г.г. здзейсенена была малітва ў памяць Холмскіх і Падляшскіх мучанікаў. У 2003 г. такое свята ўстанавіла польская Царква і адзначаецца яно ў першую нядзелю чэрвеня. У гэтым годзе было яно перанесена ў сувязі з тым, што супадала з царкоўным святам Тройцы. Пасля малітвы адны з ініцыятараў пабудовы помніка – старшыня БГКТ Ян Сычэўскі, Пётр Юшчук і Пётр Крук з Беларускага саюза ў РП усклалі вянкі і запалілі знічы. Настаяцель царквы Св. Духа Юры Барэчка ў пропаведзі сказаў, што „няма з боку праваслаўных беларусаў згоды на фальшаванне гісторыі, няма згоды на тое, каб каты былі ўшанаваныя, каб ім ставілі помнікі і называлі іх братамі”.