21 чэрвеня прэзідэнт Беластока Тадэвуш Трускаляскі падчас урачыстасці ў рамках Дзён горада адзінаццаці асобам і адной установе ўручыў медалі за заслугі ў развіцці і прасоўваніі сталіцы падляшскага ваяводства. Сярод узнагароджаных была наша супрацоўніца Міра Лукша. Віншуем!
У пастанове чытаем:
Міра Лукша атрымала ўзнагароду Urbi Meritus за ўсю сваю творчасць, за творы на польскай і беларускай мовах, за творчае даследаванне памежжа культур і нацый, у якіх мы жывем. Паэтка, празаік, журналістка, перакладчыца, мастачка, аўтар вершаў і прозы, піша на беларускай і польскай мовах. Летась яна адзначыла пяцідзесяцігоддзе сваёй мастацкай творчасці. Шмат сваіх твораў яна прысвяціла нашаму гораду, які абрала для жыцця, які палюбіла. які бачыць як асаблівае месца на скрыжаванні культур і светаў. Неаднойчы прызнавалася, што лічыць сябе спадчынніцай і эмісарам Вялікага Княства Літоўскага. Гэтым тлумачыцца яе атаясамленне з шматканфесійнай і полікультурнай Беласточчынай. Лаўрэатка Літаратурнай прэміі прэзідэнта Беластока за ўсю творчасць. Працягвае пісаць, чым радуе сваіх чытачоў не толькі ў горадзе і ў краю.
