Pa prostu / Па-просту

  • Płacz zwanoŭ

    23. Zabytaja tragedia kala Krynak (1)

    U viosaczcy Trejgli niedaloka Krynak za sanacji żyli bahatyja haspadare Jurczeni, jakija mieli 23 ha ziamli. „Bahatyroŭ” u czerwcu 1941 r. enkavudzisty vyvieźli na Sibir (viarnulisa ŭ 1946 r.). Z hetaj pryczyny pośle pajszła ŭ vioscy i vakolicy nizhoda. Syn „kułakoŭ” Edzik za sanacji byŭ…ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

  • Kinoman

    11. Jabłyka i pomarančy

    Knižki i filmy podôbny do jabłyk i pomarančuv. Odny i druhi naležat do ovocuv, ale smakujut preč po-raznomu. (Steven King) To było tohdy, jak ja brontavsie hołodny po Krystijaniji, siêtum divovidnum miêsti, kotoroho čołoviêk ne pokine, poka vono ne nakłade na joho svojoji pôznaki… Siêty… ЧЫТАЦЬ ДАЛЕЙ / CZYTAJ DALEJ

RSS і Facebook

Успамін пра Міхася Дрынеўскага

Міхаіл Дрынеўскі (1941-2020)
Міхаіл Дрынеўскі (1941-2020)

З увагі на пандэмію каранавіруса невядома калі і ці наогул адбудзецца ў гэтым годзе фестываль беларускай песні, арганізаваны Беларускім грамадска-культурным таварыствам, якога элімінацыі, а на канец гала-канцэрт, заўсёды адбываліся ў лютым-сакавіку. Але на жаль вядома, што ў складзе журы не будзе ўжо Міхася Дрынеўскага, які яго ўзначальваў няспынна на працяну мінулых 25-ці гадоў.

Міхаіл Паўлавіч Дрынеўскі ў мінулым годзе, 9 лістапада, на 80-ым годзе жыцця адышоў у іншы свет. Народны артыст Беларусі, прафесар, фалькларыст, этнограф, знаўца народнай музыкі, шматгадовы мастацкі кіраўнік і галоўны дырыжор Народнага хору Рэспублікі Беларусь імя Г.І.Цітовіча, Міхаіл Паўлавіч зрабіў неацэнны ўнёсак у захаванне беларускіх народных традыцый, папулярызацыю нашай песеннай спадчыны… Ён быў адным з самых выбітных дзеячаў беларускага музычнага і харавога мастацтва, багата адораны фалькларыст і этнограф, аранжыроўшчык і выдатны дырыжор. Нарадзіўшыся ў знакамітай песеннай вёсцы Тонеж на Палессі, ён з дзяцінства палюбіў народную песню, атрымаў грунтоўную адукацыю ў Гомельскім музычным вучылішчы і Беларускай дзяржаўнай кансерваторыі, пераняў з рук у рукі ад Генадзя Цітовіча здабыткі і традыцыі Дзяржаўнага народнага хору БССР і пакінуў пасля сябе ўнікальны мастацкі калектыў як сапраўдны эталон нацыянальнага мастацтва і прыгожую візітную картку сучаснай Беларусі.

Ёсць дамоўленасць з Беларускім грамадска-культурным таварыствам у Беластоку аб заснаванні памятнага дыплома і спецыяльнага прыза імя М. Дрынеўскага для ўзнагароджання пераможцаў. Гэты фестываль – унікальная з’ява не толькі ў Польшчы, але і для ўсіх беларусаў у свеце. 59 гадоў з часу заснавання і 29 у рангу Агульнапольскага зрабілі гэты фестываль важнейшай культурнай падзеяй, да якой актыўна рыхтуюцца ўсе творчыя беларускія калектывы і выканаўцы ў Польшчы, чакаюць шматлікія ўдзячныя гледачы і слухачы, на які выязджаюць лепшыя творчыя калектывы з Беларусі.

Міхась Паўлавіч вельмі любіў гэты фестываль, заўсёды з радасцю сустракаўся з удзельнікамі яго як з даўнімі і добрымі сябрамі. Не было таго выпадку, каб не падтрымаў той ці іншы калектыў, можа і не заўсёды высокага ўзроўню, але улюбёны ў беларускую песню, бо „яны ж душой спяваюць”…

Чарговы 30-ы Агульнапольскі фестываль „Беларуская песня – 2021”, перанесены з лютага на пазнейшы тэрмін, адбудзецца ўжо без Міхася Паўлавіча. Але, ён будзе абавязкова прысутнічаць на фестывалі ва ўспамінах арганізатараў і ўдзельнікаў, у песнях з яго апрацоўкамі, у памятных дыпломах і прызах яго імя для пераможцаў! (тс)

Пакінуць адказ

Ваш адрас электроннай пошты не будзе апублікаваны.

Календарыюм

Гадоў таму

  • ў ліпені-жніўні

    710 – перамога дружын Давыда Гарадзенскага у 1314 г. над войскамі крыжакоў пад Наваградкам. 625 – 12 жніўня 1399 г. паражэньне войск Вялікага Княства Літоўскага на чале з князем Вітаўтам у бітве супраць войскаў Залатой Арды на рацэ Ворскла. 510 …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (111) – 14.07.1913 г. у Вільні было заснавана Беларускае Выдавецкае Таварыства, яго ўзначальвалі Б. Даніловіч, І. Луцкевіч, К. Шпакоўскі. Надрукавала 15 кніг агульным тыражом 50 тысяч асобнікаў – зборнікі вершаў, падручнікі па беларускай мове, п’есы для самадзейнікаў.

Новы нумар / Novy numer

Папярэднія нумары

Усе правы абаронены; 2024 Czasopis