Pa prostu / Па-просту

Po pudlaśki / По-пудляські

  • Waśkowa spowed’ (1)

    Nadworie Styczeń sioho roku buw tepły i niemorozny. W Ryhoruwciach uże po tradycji bołoto, zemla rozmerzła. W miastowych czerewykach rozmemłeny kaluży preskokowaty treba, kob bołotom botiki ne barzo pobrudyty. Abo wody w ich ne nabraty. Peredom ide mużczyna pożyły, zhorbiany, pałkoju podperajetsia i ide czerez… ЧЫТАЦЬ ДАЛЕЙ / CZYTAJ DALEJ

RSS, Facebook i Telegram

Святыня ў Сталовічах

У Беларусі знайшлі мошчы каталіцкага святога, які жыў у ІV стагоддзі. Знаходка была зроблена пробашчам парафіі Сэрца Езуса ў вёсцы Сталовічы а. Янушам Фештэрам. Святар выпадкова знайшоў рэліквію ў шафе, дзе захоўваліся іншыя рэчы да богаслужэнняў, – паведамляе рэгіянальны партал bar24.by.

У 17 стагоддзі Радзівілы заснавалі ў Сталовічах камандорыю (філіял) Мальтыйскага ордэну. Магчыма, рэліквія была прывезена на тэрыторыю Беларусі з Італіі адным з прадстаўнікоў знакамітага княжаскага роду, або гэта зрабіў хтосьці з рыцараў-манахаў. Калі Сталовічы ўвайшлі ў склад Расійскай імперыі, камандорыя была зачынена, а касцёл, які належаў манахам, быў пазней перададзены праваслаўнай царкве. Верагодна, мошчы ў гэты перыяд захоўваліся ў мясцовых жыхароў, а калі ў мястэчку ў 1911 годзе пабудавалі новы касцёл, былі перададзены туды.

Ксёндз Януш сцвярджае, што да 2022 года рэлікварый стаяў у металічнай шафе, дзе захоўваюць розныя рэчы, што выкарыстоўваюцца падчас богаслужэнняў. Адмыслова рэлікварыем ніхто не цікавіўся.

Паводле слоў святара, ён быў незаўважны, прыкрыты іншымі рэліквіямі. Калі ксёндз правяраў маёмасць у шафе, то дастаў рэлікварый і прачытаў, што на ім напісана, а потым пачаў пошукі інфармацыі ў Інтэрнэце.

Даведаўшыся, што захоўвае ў сабе рэлікварый, святар вельмі здзівіўся, бо дагэтуль было вядома, што мошчы гэтага святога захоўваюцца толькі ў горадзе Ольбія ў Сардыніі.

У гонар Святога Сімпліцыя ў касцёле Найсвяцейшага Сэрца Езуса ў Сталовічах 15 мая прайшла ўрачыстая Імша. Перад гэтым айцец Януш напісаў святарам у Ольбію, каб даведацца, як яны адзначаюць гэтае свята, каб прытрымлівацца традыцыям. Падчас Імшы святар раздаў вернікам капулетас (copulettas) – італьянскія маленькія салодкія пірожныя, якія пякуцца звычайна з цеста, цукру, грэцкіх арэхаў і апельсінавай цэдры.

Варта дадаць, што святы Сімпліцый – першы меркаваны біскуп Ольбіі. Каталіцкім касцёлам ён шануецца як святы, пакутнік.

Сімпліцыя замучылі 15 мая 304 года ў часы праўлення рымскага імператара Дыёклетыяна. Паводле мясцовай легенды, частка яго цела была выкінута ў мора каля вострава Тавалара. Рыбакі сцвярджалі, што там бачылі бесперапыннае бурленне вады. Сёння мошчы святога захоўваюцца ў горадзе Ольбія ў базіліцы св. Сімпліцыя. Пад алтаром у рэлікварыі знаходзіцца ступня мучаніка, якую перадалі храму ў 1630 годзе.

Сяргей Александровіч

Фота: Каталіцкі веснік

Календарыюм

Гадоў таму

  • у лістападзе

    685 – у 1341 г. войскі Вялікага Княства Літоўскага акружылі крыжацкую цьвердзь Баербург і прыступілі да яе здабыцьця. Падчас атакі загінуў вялікі князь Гедымін. 210 – 4.11.1816 г. у мястэчку Кублічы каля Лепеля нар. Арцём Вярыга-Дарэўскі (пам. у ссылцы ў Сібіры …ЧЫТАЦЬ ДАЛЕЙ / CZYTAJ DALEJ

Новы нумар / Novy numer

Папярэднія нумары / Poprzednie numery

Усе правы абаронены; 2026 Czasopis
Social Media Auto Publish Powered By : XYZScripts.com