Свята фальклору праходзіла на Беласточчыне пад лозунгaм „Падляшская актава культур”. На ім можна было захапляцца спевамі, музыкай, тпанцамі і абрадамі з розных краін свету. На Беласточчыну прыехалі 22 фальклорныя калектывы (600 асоб) з дванаццаці краін.
27 ліпеня пры цёплым сонечным надвор’і ды над ракою ў амфітэатры ў Нараўцы выступіў вакальна-танцавальны калектыў „Чарніца” са Славакіі (на здымку) – лепшы з гэтай краіны свету. На сцэне было калярова ад славацкіх нацыянальных касцюмаў, звінела цікавая для нашага вуха музыка (яна была іншая ад нашай беларускай ці польскай) і віравалі, і віравалі танцы. Усе артысты калектыва прыгожа спявалі і танцавалі.
Імпрэзу арганізавалі Ваяводскі асяродак анімацыі культуры ў Беластоку ды войт гміны і Гмінны асяродак культуры ў Нараўцы.
Тэкст і фота Янкі Целушэцкага
