Pa prostu / Па-просту

Po pudlaśki / По-пудляські

  • Waśkowa spowed’ (1)

    Nadworie Styczeń sioho roku buw tepły i niemorozny. W Ryhoruwciach uże po tradycji bołoto, zemla rozmerzła. W miastowych czerewykach rozmemłeny kaluży preskokowaty treba, kob bołotom botiki ne barzo pobrudyty. Abo wody w ich ne nabraty. Peredom ide mużczyna pożyły, zhorbiany, pałkoju podperajetsia i ide czerez… ЧЫТАЦЬ ДАЛЕЙ / CZYTAJ DALEJ

RSS, Facebook i Telegram

Разгар фэстаў у неспакойны час

11 жніўня ў Козліках у Заблудаўскай гміне мясцовы калектыў „Рэчанька” (на сцэне) святкаваў сваё 30-годдзе Фота Міры Лукшы
11 жніўня ў Козліках у Заблудаўскай гміне мясцовы калектыў „Рэчанька” (на сцэне) святкаваў сваё 30-годдзе
Фота Міры Лукшы

У гэтым годзе маем хіба што рэкордны сезон, калі гаварыць пра колькасць беларускіх фэстаў у нашым рэгіёне. На працягу мінулых двух месяцаў у гмінных мястэчках, павятовых гарадах і нават шмат дзе ў невялікіх вёсках адбылося мноства забаўляльна-танцавальгых імпрэзаў такога характару на свежым паветры. Іх арганізатарамі з’яўляюцца найчасцей гмінныя дамы культуры, апошнім часам яшчэ Гурткі вясковых гаспадынь. 

У суботу ці нядзелю людзі гулялі пры беларускіх, украінскіх і рускіх песнях, забываючыся нават, што недалёка на мяжы стаіць шмат войска, беларусы церпяць ад палітычнага пераследу ў лукашэнкаўскіх турмах, а ўкраінцы і расіяне ўжо два з паловай года страляюць адзін да адного на вайне.

Нягледзячы на напружаную атмасферу і нават мілітарную пагрозу звонку, гэтыя фэсты для іх арганізатараў і ўдзельнікаў з’яўляюцца нават свайго віду ўцёкамі ад такой небяспекі і наогул у сувязі з гэтым ад сумнай штодзёншчыны. Прытым не маюць яны адназначна нацыянальна-меншаснага характару. Нават у выпадку фэстаў арганізаваных БГКТ ці іншымі беларускіміі арганізацыямі ён даволі цьмяны. Нягледзячы на беларускія надпісы на сцэне ды такія ж песні ў рэпартуары выканаўцаў. Па-за сцэнай беларускае слова ці па-свойму з кожным годам пачуць можна ўсё радзей і радзей.

Пасля сёлетняга „Купалля” ў Белавежы з’явілася адгалоска ў Фейсбуку, што „szkoda, że niektóre zespoły na białoruskim Kupalli śpiewały po rusku i ukraińsku (Prymaki i As)”.

Старшыня БГКТ Васіль Сегень як арганізатар адпісаў: „Jednym szkoda, a ja uznaję to za atut. Świadectwo wielokulturowości naszego regionu. As śpiewał też po polsku, by dopełnić obraz”.

„To może pamianiajcie nazwu BHKT na Towarzystwo Wielokulturowości?” – з’явілася пытанне.

„Padumaju. Ale to uże następca” – адказаў старшыня БГКТ.

Найбольшымі беларускімі фэстамі з’яўляюцца цяпер „Сяброўская бяседа” ў Гарадку і „Прымацкая бяседа” ў Міхалове. Паводле арганізатараў збіраюць яны 3-4 тыс. удзельнікаў. Праўда, не толькі „праваслаўных”, бо не адны яны любяць такія кліматы. На правядзенне абедзвюх бясед, фэстаў БГКТ і некалькі іншых грошы дае Варшава як на беларускую справу. Тым не менш адкрытым застаецца пытанне, наколькі такія імпрэзы садзейнічаюць захаванню і развіццю беларускай культурнай тоеснасці (такі ёсць асноўны пункт у дамове на фінансаванне). Напэўна садзейнічаюць, але ці не маглі б болей?

Календарыюм

Гадоў таму

  • у лістападзе

    685 – у 1341 г. войскі Вялікага Княства Літоўскага акружылі крыжацкую цьвердзь Баербург і прыступілі да яе здабыцьця. Падчас атакі загінуў вялікі князь Гедымін. 210 – 4.11.1816 г. у мястэчку Кублічы каля Лепеля нар. Арцём Вярыга-Дарэўскі (пам. у ссылцы ў Сібіры …ЧЫТАЦЬ ДАЛЕЙ / CZYTAJ DALEJ

Новы нумар / Novy numer

Папярэднія нумары / Poprzednie numery

Усе правы абаронены; 2026 Czasopis
Social Media Auto Publish Powered By : XYZScripts.com