Pa prostu / Па-просту

  • Płacz zwanoŭ

    24. Dochtar Maroz (6)

    U archiwie IPN kromie dakumentaŭ UB majuć jaszcze druhuju dakumentacju – z Wajskowaho rajanowaho sudu ŭ Biełastoku, dzie krychu bolsz infarmacjaŭ pra sprawu Wacława Maroza. Baraniŭ jaho adwakat Alaksandar Saroka z Warszawy. 26 kwietnia 1950 r. jak obrońca wojskowy pasłaŭ da suda ŭ Biełastoku piśmo,…ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

  • Hapčyna vnučka

    Siête stałosie v marciovi.

    Porankami šče trochi moroziło, ale dniom sonečko dobre hrêło, sniêh davno rozstav napreč. Posliêdnich para dion pohoda była vže vesnianaja.Agata šparko išła z dočkoju na prystanok, vony vybralisie do Biłostoku do dochtora. Marjola raz-po-raz pudbihała, starajučysie pospiêti za materoju, a siête ne było takoje proste…. ЧЫТАЦЬ ДАЛЕЙ / CZYTAJ DALEJ

RSS і Facebook

Памёр вялікі дзеяч „старой” беларускай эміграцыі ў ЗША

Магіла св.пам. Вітаўта Кіпеля на могілках царквы Жыровіцкай Божай маці ў Іст-Брансвіку ў штаце Нью-Джэрсі
Магіла св.пам. Вітаўта Кіпеля на могілках царквы Жыровіцкай Божай маці ў Іст-Брансвіку ў штаце Нью-Джэрсі

3 снежня на 96-ым годзе жыцця памёр доктар Вітаўт Кіпель. Быў ён надта заслужаным дзеячом беларускай „старой” эміграцыі ў ЗША. З’яўляўся вядомым грамадскім дзеячом, даследнікам гісторыі, геолагам. У часы існавання „жалезнай заслоны” ён адыграў ключавую ролю ў ператрыванні беларускасці ў вольным свеце. З 1982 г. з’яўляўся дырэктарам Беларускага інстытуту навукі і мастацтва ў ЗША.

Вітаўт Кіпель нарадзіўся 30 траўня 1927 г. у Мінску. На радзіме пражыў толькі восем гадоў свайго жыцця. Пакідаў яе два разы. Спярша ў 1933 г. разам з маці пераехаў за Волгу да бацькі, які там быў сасланы на пяць гадоў у 1930 г. Кіпелі змаглі вярнуцца ў Мінск толькі ў 1942 г. А ў 1944 г. сям’я зноў была вымушана ехаць у выгнанне, на гэты раз на Захад.

У 1945-1948 гг. Вітаўт Кіпель вучыўся ў Беларускай гімназіі імя Янкі Купалы ў Рэгенсбургу ў Нямеччыне. У 1953 г. закончыў геалагічны факультэт Лювенскага ўніверсітэту ў Бельгіі. Праз два гады абараніў там доктарскую дысертацыю па мінералогіі. Тады сям’я пераехала ў ЗША. У 1956 г. ажаніўся з Зорай Савёнак, сяброўкай яшчэ з гімназіі.

У ЗША Вітаўт Кіпель працаваў у навукова-вытворчых фірмах, у 1960-1980 гг. супрацоўнічаў з Радыё „Свабода”. Быў лідарам беларускага рэспубліканскага руху, заснавальнікам і дырэктарам беларускіх фестываляў у Нью-Джэрсі. 26 гадоў працаваў у навуковым аддзеле Нью-Ёркскай публічнай бібліятэкі, дзе разам з жонкай папоўніў беларускі збор у славянскім аддзеле.

У 1993 г. Вітаўт Кіпель атрымаў званне доктара honoris causa Гродзенскага ўніверсітэту. Быў ганаровым сябрам Беларускага ПЭН-Цэнтру, уваходіў у склад Вялікай рады Згуртавання беларусаў свету „Бацькаўшчына”.

Вітаўт Кіпель пахаваны на могілках царквы Жыровіцкай Божай маці ў Іст-Брансвіку ў штаце Нью-Джэрсі. Вечная памяць вялікаму Беларусу!

Пакінуць адказ

Ваш адрас электроннай пошты не будзе апублікаваны. Неабходныя палі пазначаны як *

Календарыюм

Гадоў таму

  • у траўні

    – у 1085 г. дружыны Полацкага княства на чале з князем Усяславам Чарадзеем абаранілі беларускія землі ад захопніцкага нашэсьця князя кіеўскага Усяслава Манамаха. Захопнікі зьнішчылі Менск. Як пісаў кіеўскі летапісец „Не засталося ні чалавека, ні жывёлы”. – напады крыжакоў у …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (145) – 25.05.1880 г. у фальварку Лябёдка на Наваградчыне нарадзіўся выдатны грамадзка-палітычны дзеяч Вацлаў Іваноўскі. Між іншым быў адным з заснавальнікаў першага беларускага выдавецтва „Загляне сонца і ў наша аконца”. Забіты 07.12.1943 г. у Менску. Пахаваны там на Кальварыйскіх могілках.
  • (87) – 25.05.1938 г. у Менску адкрыўся Беларускі Дзяржаўны Тэатр Оперы і Балета.
  • (83) – 25.05.1942 г. у турэмным шпіталі ў Горкім памёр Іван Замоцін (нар. 1.11.1873 г. у Крыуліне Цьвярской губ.), літаратуразнавец. З 1908 г. быў прафэсарам Варшаўскага ўнівэрсытэта, з 1922 г. – Беларускага дзяржаўнага унівэрсытэта ў Менску. У 1937 г. быў арыштаваны і асуджаны на 8 год выпраўленча-працоўных лагераў.
  • (61) – 25.05.1964 г. у Маскве памёр Васіль Залатароў (нар. 7.03.1872 г. у Таганрогу), кампазытар і пэдагог. У 1933 – 1941  гг. вёў клас кампазыцыі ў Беларускай кансэрваторыі. У беларускую музычную культуру ўвайшлі яго балеты „Князь-возера” (1949)
  • (57) – 25.05.1968 г. у Рочэстэры (ЗША) памёр Францішак Кушаль – грамадзкі дзеяч, вайсковец (нар. 16.02.1895 г. у в. Першаі, Менскага павету). Сярэднюю адукацыю атрымаў у Вільні ў 1916 г. У час І сусьветнай вайны даслужыўся званьня штабс-капітана. У 1919-1921 гг. уваходзіў у Беларускую Вайсковую Камісію. З 1922 г. на службе ў польскім войску (не атрымліваў авансу). У верасьні 1939 г. удзельнічаў у баях у раёне Львова. Трапіў у савецкі палон, знаходзіўся ў Старабельскім лагеры, потым у маскоўскай турме (Бутыркі). Са сьнежня 1943 г. уведзены ў склад Беларускай Цэнтральнай Рады, стаў начальнікам аддзела вайсковых справаў. Пасьля вайны на эміграцыі ў ЗША. Адзін з заснавальнікаў газэты „Бацькаўшчына”, удзельнічаў у выдаваньні „Беларуса”. Пахаваны на могілках Маўнт Хоўп.
  • (38) – 25.05.1987 г. памёр у Кліўлендзе (ЗША) Аўген Калубовіч-Каханоўскі (нар. 5.03.1910 г. у Ціхінічах, Рагачоўскага пав.), гісторык, палітычны дзеяч, настаўнік. Падчас нямецкай акупацыі кіраваў Аддзелам Культуры Беларускай Цэнтральнай Рады. Аўтар між іншым прац „Мова ў гісторыі беларускага пісьменства”, „Айцы БССР і іхны лёс”, успамінаў „На крыжавой дарозе”. Пахаваны на могілках Рыверсайд у Кліўлендзе.
  • (34) – у днях 25-27.05.1991 г. у Менску праходзіў І Міжнародны Кангрэс Беларусістаў.

Новы нумар / Novy numer

Папярэднія нумары

Усе правы абаронены; 2025 Czasopis
Social Media Auto Publish Powered By : XYZScripts.com