Pa prostu / Па-просту

  • Płacz zwanoŭ

    19.Szalony kamandant z Sannikoŭ

    Pośle taho, jak letam 1944 r. Krasnaja Armia prahnała ad nas hitleraŭcaŭ, z zaniatych viosak na front brali maładych mużczyn. Tak mabilizavali miż inszym Kola K. z Sannikoŭ – apuściełaj cipier vioski pad Krynkami, pamiż Kruszynianami i Szaciłami. Jon naradziŭso ŭ 1916 r. Za polskim…ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

RSS і Facebook

Нас чытаюць

Наш чытач з Новага Ляўкова

У Нараўчанскай гміне Гайнаўскага павета „Часопіс” чытаюць некаторыя жыхары Ахрымоў, Гушчэвіны, Капітаншчыны, Лешукоў, Міклашэва, Новай Лукі, Новага Ляўкова, Старога Ляўкова, Нараўкі, Новін, Падляўкова, Плянты, Прэнтаў, Семяноўкі і Сушчага Барка. Ведаю добра, бо ўжо шмат гадоў наш цікавы штомесячнік ім прывожу. Часамі чытачы наведваюць мяне дома і я ім прапаную – вазьміце „Часопіс”, у ім цікавыя рэпартажы, артыкулы, фельетоны, эсэ, успаміны, дзённік рэдактара і запісы часу.

Віталь Скепка (на здымку на наступнай старонцы) – ураджэнец Новага Ляўкова. Вучыўся ў Пачатковай школе ў Старым Ляўкове. Я тады працаваў настаўнікам у гэтай школе і Віталь быў маім вучнем. Віталь вучыўся добра. Я вучыў яго, між іншым, літаратурнай беларускай мове. Мой аднавясковец закончыў прафесіянальную школу ў Гайнаўцы, працаваў столярам і бракоўшчыкам на мэблевым аддзяленні завода ў згаданым горадзе. Тут і жыў з сям’ёй у гарадской кваатэры. Усё ж цягнула яго да жыцця ў роднай вёсцы. Калі выйшаў на пенсію, пераехаў жыць у бацькоўскую хату ў Новым Ляўкове і ўзяўся за гаспадарку.

У Новым Ляўкове мы сустракаемся. Віталь чытае „Ніву” і „Часопіс”. Ён падказвае мне тэмы да напісання. Газеты чытае дакладна. Ён імі зацікаўлены здаўна. 

Наш чытач з Новага Ляўкова Віталь Скепка з „Часопісам” Фота Янкі Целушэцкага
Наш чытач з Новага Ляўкова Віталь Скепка з „Часопісам”
Фота Янкі Целушэцкага

Падчас нашай размовы мой субяседнік неаднойчы вяртаецца да мінулых беспаваротна гадоў, калі быў вучнем і сваіх былых настаўнікаў, з якіх некаторыя адыйшлі ад нас назаўсёды, асталіся ўсяго адзінкі. – А ты мой былы настаўнік глыбока жывеш у маёй памяці – кажа. – І пра гэта магу табе сказаць пры вось гэтай нашай сустрэчы. Зычу табе творчых поспехаў і не забывай пра сваіх вучняў, так як яны пра цябе памятаюць.

Янка Целушэцкі

Пакінуць адказ

Ваш адрас электроннай пошты не будзе апублікаваны.

Календарыюм

Гадоў таму

  • у верасні

    1040 – У 983 г. вялікі князь Уладзімір на чале дружын, аснову якіх складалі дрыгавіцкія і крывіцкія воі, рушыў супраць яцьвягаў. Армія перайшла па землях сёньняшняй Беласточчыны і паводле „Повести временных лет” як напісана „Въ лето 6491 иде Володимир на …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (258) – 25 верасьня 1765 г. у Гузаве (зараз Мазавецкае ваяв.) нарадзіўся Міхал Клеофаc Агінскі – дзяржаўны дзеяч, дыпламат, кампазітар (памёр 15.10.1833 г. у Флярэнцыі (Італія), дзе пахаваны ў пантэоне Санта Кручэ).
  • (175) – 25.09.1848 г. у Магілёве нар. Вацлаў Федаровіч, краязнавец, калекцыянер, юрыст, член-карэспандэнт Кракаўскай АУ. З 1884 г. жыў у Віцебску, працаваў намесьнікам старшыні Віцебскай вучонай архіўнай камісыі. Пісаў артыкулы па гісторыі краю ў „Витебские губернские ведомости”. Памёр 11.01.1911 г. у Рызе, пахаваны ў Віцебску на могілках касьцёла сьв. Варвары.
  • (148) – 25 верасьня 1875 г. у в. Асаўцы Кобрыньскага павету нарадзіўся Сяргей Паўловіч, настаўнік, нацыянальны дзеяч. У 1925-1928 гг. быў дырэктарам Віленскай Беларускай Гімназіі. Адзін з кіраўнікоў Таварыства Беларускай Школы. За беларускую, патрыятычную дзейнасьць пазбаўлены правоў навучаньня. Актыўна выступаў супраць палянізацыі беларускага насельніцтва. Між іншым быў рэдактарам дзіцячага царкоўна-культурнага часопіса „Снапок” (у 1937-1939 гадах), аўтарам школьных падручнікаў ды дапаможнікаў на беларускай мове. Памёр 16.09.1940 г. у Вільні, пахаваны на праваслаўных Свята Ефрасіньнеўскіх могілках.
  • (110) – 25.09.1913 г. у в. Нобель Пінскага павета нар. Сяргей Грахоўскі, беларускі пісьменьнік. У 1936 г. закончыў літаратурны факультэт Мінскага пэдагагічнага Інстытута, працаваў рэдактарам на Беларускім радыё. У 1936 г. рэпрэсаваны, 10 гадоў быў у лагеры. У  1946 – 1949 гг. выкладаў рускую мову і літаратуру ва Урэцкай сярэдняй школе на Случчыне. Пасьля паўторна арыштаваны і сасланы на вечнае пасяленьне ў Новасібірскую вобласьць. Пасьля рэабілітацыі ў 1955 г. вярнуўся ў Беларусь, працаваў на радыё, у часопісах „Бярозка”, „Вясёлка”. Першы верш надрукаваў у 1926 г. У 1973 і 1983 гг. выдаваліся яго „Выбраныя творы” ў 2 тамах. Памёр 11.12.2002 г. у Менску, пахаваны на Усходніх могілках.
  • (109) – 25.09.1914 г. у Зэльве Гродзенскага пав. нар. Аўген Смаршчок, праваслаўны сьвятар, старшыня Саюза Беларусаў у Бэльгіі. Рукапаложаны ў сан сьвятара Беларускай аўтакефальнай праваслаўнай царквы (БАПЦ) у 1950 г., быў адным з ініцыятараў і арганізатараў БАПЦ у Бэльгіі. Памёр 25.09.1984 г. у Грэверы каля Лювэну ў Бэльгіі.
  • (102) – 25-28.09.1921 г. у Празе адбылася Першая Усебеларуская Канфэрэнцыя – сход прадстаўнікоў беларускіх арганізацыяў з Заходняй Беларусі, Латвіі, Летувы, Нямеччыны, Чэха-Славакіі. Прысутныя падтрымалі прынцып поўнай незалежнасьці ды непадзельнасьці Беларусі. Між іншым удзельнікі сходу сьцьвердзілі, што лічаць ворагамі беларускага народу кожнага хто прызнае Рыжскі мірны трактат, які падзяліў беларускія землі між Расею і Польшчу. Прысутная на канфэрэнцыя была беларуская дзеячка родам з падбеластоцкіх Агароднічак Вера Маслоўская (Матэйчук).
  • (85) – 25.09.1938 г. у Краснасельскім каля Ваўкавыска нар. Вячаслаў Целеш, мастак і беларускі дзеяч у Латвіі. Жыве ў Рызе. Віншуем!
  • (58) – 25.09.1965 г. у Гільдэсгайм у Нямеччыне памёр Міхась Маскалік (нар. 18.03.1903 г. у Гарадзеі), каталіцкі сьвятар усходняга абраду, беларускі хадэцкі дзеяч.

Новы нумар / Novy numer

Папярэднія нумары

Copyright © 2023 Czasopis