Pa prostu / Па-просту

  • Płacz zwanoŭ

    21. Samaabarona i śmierć Żyda Berszki (2)

    Savieckaje vojsko i pahraniczniki spaczatku ŭsich ludziej z hetych troch viosak vyvieźli za Śvisłacz na zborny punkt u Nieparożnicach. Zahadali im usio z saboju zabrać, szto tolko mahli ŭziać na furmanku. Pośle saviety mieli ich parassyłać dalej u Biełaruś. Raptam pryjszoŭ zahad, szto kali chto…ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

  • Kinoman

    8. Kuneć sielanki

    Nocami z pod ramion krzyżów na rozdrogach sypie się gwiazd błękitne próchno chmurki siedzą przed progiem w murawie to kule białego puchu dmuchawiec Księżyc idzie srebrne chusty prać świerszczyki świergocą w stogach czegóż się bać (Józef Czechowicz, „Na wsi”, 1927) Jak mniê diś dumajetsie, dekada… ЧЫТАЦЬ ДАЛЕЙ / CZYTAJ DALEJ

RSS і Facebook

Лукашэнкаўскі рэжым прадаў канфіскаваную маёмасць

Ніна Багінская ў дзвярох свайго лецішча Радыё Рацыя
Ніна Багінская ў дзвярох свайго лецішча
Радыё Рацыя

Пасля таго, як за ўдзел у 2020 годзе ў вулічных пратэстах легендарнай пенсіянеркі Ніны Багінскай налічылі ёй штрафы агулам у пералічэнні каля 14 тыс. зл., каб спагнаць іх суд канфіскаваў яе лецішча ў Смалявічах у Пухавіцкім раёне. Зямельны ўчастак памерам сямі соткаў і садовы домік плошчай 27 квадратных метраў быў выстаўлены летам гг. на аўкцыён. Стартавая цана – 10 тыс. рублёў (каля 20 тыс. зл.).

Першы аўкцыён быў назначаны на 17 жніўня, але не знайшоўся ніводзін ахвотны пакупнік. Тое ж паўтарылася 26 жніўня.

Родныя пенсіянеркі, якая прынцыпова адмаўляецца не плаціць штрафаў, заклікалі не ўдзельнічаць у гэтых аўкцыёнах. Але 18 лістапада, у трэці раз, ахвотныя знайшліся. Стартавая цана была паніжана ажно да 693 рублёў. На лецішча актывісткі палакоміліся за малыя грошы чатыры асобы. У выніку было яно прададзена за ўсяго 727 рублёў. Выглядае на тое, што патэнцыйнымі пакупнікамі былі падстаўленыя асобы.

75-гадовая Ніна Багінская верыць, што ўлада зменіцца і яе канфіскаваную маёмасць тады вернуць. – У мяне ёсць дзеці, унукі і праўнукі, – кажа яна, пераканана, што калі не ёй, то яе сям’і гэта напэўна ўдасца.

Нядаўна Багінскую зноў аштрафавалі за „несанкцыянаванае пікетаванне”. За ўдзел у акцыі 1 кастрычніка далі ёй 840 рублёў штрафу. Такім чынам агулам атрымала ўжо каля 9,4 тыс. рублёў штрафаў. – Але не плаціла і плаціць не буду, – заяўляе легендарная актывістка.

Пакінуць адказ

Ваш адрас электроннай пошты не будзе апублікаваны.

Календарыюм

Гадоў таму

  • ў красавіку

    980 – у 1044 г. пачаў княжаньне ў Полацку Усяслаў Брачыслававіч, званы Чарадзеем. Яго славутая дзейнасьць была апісана ў паэме „Слова аб паходзе Ігаравым”. 920 – у 1104 г. адбыўся вялікі паход кааліцыі князёў Кіеўскай Русі, арганізаваны Уладзімірам Манамахам на …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (249) – 24.04.1775 г. у Будлеве Бельскага пав. Гродзенскай губ. (зараз гміна Вышкі, Бельскага пав. Падляшскага ваяв.) нар. кс. Якуб Забядэвуш Фалькоўскі, адзін з пачынальнікаў навучаньня глуханямых мове жэстаў, быў рэктарам піярскай школы ў Шчучыне, у 1817 г. адкрыў у Варшаве першую польскую школу для глуханямых. У 1826-1837 гг. быў першым пробашчам касьцёла сьв. Аляксандра ў Варшаве на Пляцы Трох Крыжоў, у якога падзямельлях пахаваны пасля сьмерці. Памёр у Варшаве 2.09.1848 г.
  • (139) – 24.04.1885 г. у Гродзенскай губ. (у Гродне або ў Кузьніцы) нар. Анна Саланка, настаўніца, якая ў 1909 г. разам з сястрой Марыяй і кс. Францішкам Грынкевічам заснавалі Гродзенскі гурток беларускай моладзі, першую беларускую арганізацыю на Гарадзеншчыне. У 1906 г. закончыла Гродзенскую жаночую гімназію і выехала на навуку ў Інсбрук, дзе з кс. кс. Ф. Грынкевічам і Адамам Лісоўскім заснавала беларускі гурток. У 1911 г. выйшла замуж за гімназіяльнага настаўніка Алексея Селівачова. Памерла ў Вільні 2.02.1915 г. Пахавана на могілках Росы.
  • (135) – 24.04.1889 г. у Стоўпцах нар. Юры Сабалеўскі, беларускі палітычны і нацыянальны дзеяч, пасол у польскі сойм у 1926-1928 гг. Арыштаваны НКВД пасьля 1939 г., уцёк з савецкай турмы ў канцы чэрвеня 1941 г. Актыўна ўдзельнічаў
  • (80) – 24.04.1944 г. у Суботніках каля Іўя нар. Зянон Пазьняк, археоляг і палітычны беларускі дзеяч. Зараз у эміграцыі. Жадаем шмат сілаў і нягаснучай надзеі на сапраўдную Беларусь!

Новы нумар / Novy numer

Папярэднія нумары

Усе правы абаронены; 2024 Czasopis