У красавіку Фонд „Царкоўная музыка” з Гайнаўкі адзначаў сваё 25-годдзе. Найбольш знакавым яго мерапрыемствам з’яўляецца Міжнародны фестываль царкоўнай музыкі. Пасля арганізацыйнага расколу з Царквою ўжо амаль дваццаць гадоў адбываецца ён у Беластоку. На гэты год, у верасні, запланаваны юбілейны 40-вы выпуск.

Апрача фестывалю царкоўнай музыкі ў культурнае жыццё рэгіёну фонд увёў штогадовыя Інтэграцыйныя белавежскія сустрэчы „Пэрэточэ”, „Сустрэчы з арыяй”, а таксама цыкл сустрэчаў у цэнтры Чарлёнка ў Гайнаўцы (сядзібе фонду) „Пагаворым пра…”. На жаль, каранавірус амаль цалкам спыніў гэтую дзейнасць.

Фонд „Царкоўная музыка” з’яўляецца няўрадавай арганізацыяй, цесна звязанай з беларускім рухам на Беласточчыне. Узначальваюць яго дырэктар Мікалай Бушка і кіраўнік офісу Ірэна Парфянюк (на здымку).