Ужо 15-ты год Музей і асяродак беларускай культуры ў Гайнаўцы ў супрацоўніцтве з гміннымі самаўрадамі на Гайнаўшчыне і Бельшчыне ладзіць фэсты ў абезлюднелых вёсках. 

У гэтым годзе іх сезон пачаўся 4 чэрвеня ў Храбустоўцы, што ў Нарваўскай гміне. 

На сцэне выступілі між іншым такія гурты, як „Вандроўнік” і „Метро” з Гайнаўкі, „Родны кут” з Нарвы і – падчас забавы з танцамі – „Seven” з Бельска-Падляшскага. Удзельнікі – пастаянныя і часовыя жыхары вёскі – мелі магчымасць прыняць удзел у конкурсах з узнагародамі, набыць беларускія кніжкі і рукадзелле.

Наступныя фэсты „І там жывуць людзі”, арганізаваны пры фінансавай падтрымцы Міністэрства ўнутраных спраў і адміністрацыі, таксама з бюджэту Падляшскага ваяводства, адбудуцца:

30 ліпеня ў Ракавічах (гміна Чыжы),

6 жніўня ў Райску (гміна Бельск-Падляшскі),

13 жніўня ў Міхнаўцы (гміна Нараўка),

3 верасня ў Палічнай (гміна Кляшчэлі).