17 кастрычніка Абласны суд у Гродне агучыў прысуды ў справе Мікалая Аўтуховіча і адзінаццаці іншых асоб, абвінавачаных ў тэрарызме. Былі яны арыштаваныя ў канцы 2020 г. за тое, што на Гарадзеншчыне нібыта падпальвалі аўтамашыны і дамы супрацоўнікаў міліцыі. Пракуратура абвінаваціла Аўтуховіча, што рыхтаваў ён тэракты і збіраў інфармацыі пра сілавікоў па ўказаннях украінскіх спецслужбаў. Нібыта кіраваў групай з мэтай захапіць расійскіх вайскоўцаў на тэрыторыі Беларусі.

Мікалай Аўтуховіч гэта 59-гадовы ветэран вайны ў Афганістане, прадпрымальнік і гродзенскі актывіст. За сваю антырэжымную дзейнасць быў двойчы зняволены, у 2006 і 2010 годзе. На волю выйшаў у 2014 г. Змагаўся за правы прадпрымальнікаў.

Аўтуховіч да тэрактаў не прызнаўся, сказаў што планаваў вывесці людзей на самую масавую акцыю пратэсту, з якой не сыдуць да перамогі. Пра суджаных разам з ім адзінаццаць асоб сказаў, што „яны вінаватыя толькі ў тым, што былі яго знаёмымі”.

Аўтуховіча прысудзілі на 25 гадоў калоніі ва ўмовах строгага рэжыму. Іншыя, што нібыта былі з ім у змове, атрымалі прысуды ад 16-ці да 20-ці гадоў зняволення, толькі двух засудзілі на меншыя тэрміны – 6 і 2,5 гадоў.