9 студзеня ў Прэзідэнцкім палацы ў Варшаве адбылося ўрачыстае ўзнагароджанне Медалём Стагоддзя аднаўлення незалежнасці Польшчы 14-ці асоб. Сярод іх быў старшыня Беларускага гістарычнага таварыства праф. Алег Латышонак. З рук прэзідэнта Анджэя Дуды атрымаў ён такі медаль з увагі на эпізод у сваім жыцці, калі ў 80-ыя гады мінулага стагоддзя выступаў супраць камуністычнага рэжыму ў час „Салідарнасці”.

– Скажу шчыра, што гэта ўзнагарода нечаканая, – сказаў Латышонак у Радыё Рацыя. – Гэта не першы мой ордэн і медаль, але раней меў пачуццё, што неяк заслужыў гэтага, а тут мне здаецца таму, што я беларус, стараўся штосьці зрабіць на карысць Польшчы і Беларусі, – прызнаўся ён.