Pa prostu / Па-просту

Po pudlaśki / По-пудляські

  • Waśkowa spowed’ (1)

    Nadworie Styczeń sioho roku buw tepły i niemorozny. W Ryhoruwciach uże po tradycji bołoto, zemla rozmerzła. W miastowych czerewykach rozmemłeny kaluży preskokowaty treba, kob bołotom botiki ne barzo pobrudyty. Abo wody w ich ne nabraty. Peredom ide mużczyna pożyły, zhorbiany, pałkoju podperajetsia i ide czerez… ЧЫТАЦЬ ДАЛЕЙ / CZYTAJ DALEJ

RSS, Facebook i Telegram

Роберт Макловіч завітаў у беларускую вёску на Падляшшы

Роберт Макловіч перад тэлекамерай захапляецца беларускімі прысмакамі ў святліцы ў Случанцы. У цэнтры Анна Трахімчык Фота Дароты Сульжык
Роберт Макловіч перад тэлекамерай захапляецца беларускімі прысмакамі ў святліцы ў Случанцы. У цэнтры Анна Трахімчык
Фота Дароты Сульжык

Вядомы аўтар і вядучы кулінарных тэлеперадач Роберт Макловіч у канцы красавіка завітаў у Случанку каля Гарадка. Жанчыны з Гуртка вясковых гаспадынь прывіталі і ўгасцілі яго традыцыйна па-беларуску. Анна Трахімчык, як шэфіха гэтага надта актыўнага гуртка, знакамітага госця прывітала на вуліцы хлебам, соллю і, вядома, чаркай самагонкі ды запрасіла ў вясковую святліцу. А там сталы ажно гнуліся ад мноства смакавітых страў, якія падрыхтавалі жанчыны. Спадара Роберта частавалі свойскай каўбасою, вантрабянкай, салам, бульбяной кашай са скваркамі і іншымі тутэйшымі беларускімі прысмакамі. Да гэтага – як жа іначай – была і самагонка.

У міжчасе супрацоўнікі Макловіча гэты сардэчны прыём адымалі на відэа. На другі дзень на канале ў YouTube з’явіўся чарговы фільм з запісам кулінарнай сустрэчы ў Случанцы, а таксама з Кундзічаў каля Крушынянаў, дзе крыху раней у той дзень пабываў госць і смажыў бульбяныя дранікі ў соўсе з грыбамі. У фільме Макловіч расказаў пра свае ўражанні з вандроўкі, падчас якой захапляўся зубрамі ў Кнышынскай пушчы, плантацыяй абляпіхі пад Крынкамі. Крыху распавёў таксама пра Іллю з Грыбоўшчыны, пабудаваную ім царкву і недакончаны горад Вершалін.

Фільм у YouTube аглянула больш за 300 тыс. асоб. У кожныя наступныя выхадныя на дарозе з Беластока ў Крынкі відаць было надта шмат аўтамашын на нетутэйшых нумарах. У выніку між іншым прамоцыі Макловіча рухнуў сюды яшчэ большы прыток турыстаў. Найперш у татарскія Крушыняны, каб пабачыць мячэць і паабедаць у гасподзе Джэнэты Багдановіч. Пры нагодзе турысты наведваюць і пазнаюць таксама незвычайныя месцы са слядамі спадчыны і гісторыі тутэйшых беларусаў. Фільм з кулінарнага візіту Роберта Макловіча безумоўна паўплываў на павышэнне ліку прыязджаючых сюды турыстаў.

Календарыюм

Гадоў таму

  • у лістападзе

    685 – у 1341 г. войскі Вялікага Княства Літоўскага акружылі крыжацкую цьвердзь Баербург і прыступілі да яе здабыцьця. Падчас атакі загінуў вялікі князь Гедымін. 210 – 4.11.1816 г. у мястэчку Кублічы каля Лепеля нар. Арцём Вярыга-Дарэўскі (пам. у ссылцы ў Сібіры …ЧЫТАЦЬ ДАЛЕЙ / CZYTAJ DALEJ

Новы нумар / Novy numer

Папярэднія нумары / Poprzednie numery

Усе правы абаронены; 2026 Czasopis
Social Media Auto Publish Powered By : XYZScripts.com