Можна было прадбачыць, што з нагоды 25 Сакавіка ў гэтым годзе ў Беларусі людзі на вуліцы не выйдуць. Былі спробы атрымаць дазвол, але адказ прыйшоў адмоўны. Нягледзячы на гэта тэлеграм-каналы і лідары апазіцыі Святлана Ціханоўская і Павел Латушка, якія на выгнанні за мяжой, мабілізавалі беларусаў да новай хвалі пратэстаў. Каб не дапусціць да таго, рэжым кінуў аграмадныя мілітарныя сілы.

У Мінску ў суботу 27 сакавіка, калі планавалася галоўная масавая дэманстрацыя для ўшанавання 103. угодкаў Беларускай Народнай Рэспублікі, колькасць міліцыянтаў і вайскоўцаў перавышала лік асоб, якія намерваліся першымі выйсці на вуліцу. Таму не ўдалося сфармаваць калоны. Затрыманых было больш як 200 асоб.

Ва ўзніклай сітуацыі толькі невялікія групы шпацыравалі з бел-чырвона-белымі сцягамі тратуарамі і ў жылых кварталах.

Сімвалам сёлетняга адзначэння ўгодкаў БНР былі феерверкі, што рассвятлялі неба над Мінскам да познай ночы. Кіроўцы трубілі таксама клаксонамі аўтамашын.