![На фэстыне ў Сацах Фота Агнешкі Ціханюк](https://czasopis.pl/wp-content/uploads/2024/07/s1-str8.jpg)
Фота Агнешкі Ціханюк
Першы з сёлетніх фэстаў прайшоў 2 чэрвеня ў Cацах, што ў Нарваўскай гміне. Адбыўся ён на панадворку солтыса мясцовасці Тамары Корч. На сцэне выступілі між іншым такія гурты, як „Метро” з Гайнаўкі, „Родны кут” з Нарвы і „Лайланд” з Беластока, які ў гэтым годзе адзначае 30-годдзе сваёй дзейнасці (віншуем!). Удзельнікі – пастаянныя і часовыя жыхары вёскі – мелі магчымасць прыняць удзел у конкурсах з узнагародамі, набыць беларускія кніжкі і рукадзелле.
Чарговы фэст 9 эрвеня адбыўся ў вёсцы Забалотчына Нараўчанскай гміны.
Такія фэсты з 2009 г. праводзіць Музей і асяродак беларускай культуры ў Гайнаўцы ў супрацоўніцтве з гміннымі самаўрадамі на Гайнаўшчыне і Бельшчыне пры фінансавай падтрымцы Міністэрства ўнутраных спраў і адміністрацыі, таксама з бюджэту Падляшскага ваяводства і Гайнаўскага павету. Наступныя адбудуцца:
28 ліпеня ў Ляшчынах (гміна Чыжы),
4 жніўня ў Чыжыках (гміна Гайнаўка),
15 верасня ў Спічках (гміна Орля).