365 – 6.09.1656 г. пам. Піліп Абуховіч, пісьменьнік, дыплямат. Аўтар „Дыярыуша”, дзе апісаў падзеі ў Рэчы Паспалітай ды суседніх краінах у 1630-1654 гг.
290 – 3.09.1731 г. непадалёк мястэчка Сьвіслач нар. Станіслаў Богуш-Сестранцэвіч (пам. 1.12.1826 г.), архіепіскап магілёўскі, вучоны, пісьменьнік.
120 – 5.09.1901 г. у Пецярбургу нар. Віталь Вольскі (пам. 22.08.1988 г. у Менску), празаік, драматург, літаратуразнавец, краязнавец, палітычны дзеяч. Друкаваўся з 1926 г.
115 – 14.09.1906 г. у Вільні выйшаў з друку першы нумар першай легальнай беларускай газэты (тыднёвіка) „Наша Доля”. Літаратурны дэбют Якуба Коласа. У першым нумары „НД” быў надрукаваны ягоны верш „Наш край”. „Наша Доля” была закрыта царскімі ўладамі у палове сьнежня 1906 г. Выдаўцом газэты зьяўлялася Беларуская Сацыялістычная Грамада.
105 – 10.09.1916 г. у Замосьці Ігуменскага пав. пам. Аляксандр Ельскі (нар. 16.06.1834 г. у Дудзічах Ігуменскага пав.), пісьменьнік, гісторык, этнограф, краязнавец. Сябра Вінцэнта Дунін-Марцінкевіча ды Францішка Багушэвіча.
100 – 14.09.1921 г. выйшаў у Вільні з друку першы нумар тыднёвіка „Беларускія Ведамасьці” якога рэдактарам быў Максім Гарэцкі. „БВ” былі адным з лепшых беларускіх пэрыядычных выданьняў той пары. У ім друкаваліся публіцыстычныя, гістарычныя, літаратурныя тэксты выдатных беларускіх аўтараў. Многа можна было прачытаць зьвестак з розных мястэчак, вёсак, асабліва з Сакольшчыны, Беласточчыны. З прычыны крытычных адносін рэдакцыі да польскай улады ў пачатку 1922 г. выданьне было ліквідавана Палякамі, а М. Гарэцкі быў арыштаваны.
100 – 25-28.09.1921 г. у Празе адбылася Першая Усебеларуская Канфэрэнцыя – сход прадстаўнікоў беларускіх арганізацыяў з Заходняй Беларусі, Латвіі, Летувы, Нямеччыны, Чэха-Славакіі. Прысутныя падтрымалі прынцып поўнай незалежнасьці ды непадзельнасьці Беларусі. Між іншым удзельнікі сходу сьцьвердзілі, што лічаць ворагамі беларускага народу кожнага хто прызнае Рыжскі мірны трактат, які падзяліў беларускія землі між Расею і Польшчу. Прысутная на канфэрэнцыя была беларуская дзеячка родам з падбеластоцкіх Агароднічак Вера Маслоўская (Матэйчук).
90 – 30.09.1931 г. у в. Слабада каля Лагойска нар. Ніл Гілевіч, выдатны дзеяч беларускай культуры, пісьменьнік, літаратуразнавец, перакладчык, фальклярыст. Друкаваўся з 1946 г. Адзін з заснавальнікаў Таварыства Беларускай Мовы ім. Францішка Скарыны. Памёр 29.03.2016 г. у Менску, пахаваны на Кальварыйскіх могілках.
85 – 4.09.1936 г. у Крынках нар. Сакрат Яновіч, выдатны пісьменьнік, публіцыст, дзеяч беларускага руху на Беласточчыне. Аўтар каля 20 кніг прозы, публіцыстыкі. Старшыня ды заснавальнік грамадзкай арганізацыі Villa Sokrates. Памёр 17.02.2013 г. у Крынках. Пахаваны на мясцовых праваслаўных могілках.
80 – 7.09.1941 г. у в. Тарнопаль (ва ўрочышчы Полымя) каля Нараўкі нар. Уладзімір Гайдук, паэт. Аўтар некалькі зборнікаў паэзіі. Пастаянна жыў у сваёй роднай хаце. Памёр 24.02.2012 г.
30 – 19.09.1991 г. Вярхоўны Савет БССР зацьвердзіў назву адроджанай беларускай дзяржавы: Рэспубліка Беларусь. Таксама вырашыў, што яе дзяржаўнымі сымбалямі будуць бел-чырвона-белы сьцяг ды герб Пагоня.
25 – 1.09.1996 г. перастала вяшчаць у Менску адзіная незалежная, беларускамоўная радыёстанцыя ў Беларусі „Радыё 101,2”.
Апрацавалі
Лена Глагоўская і Вячаслаў Харужы
