Пасля чатырох гадоў Дом літоўскай культуры ў Пуньску зноў сарганізаваў Сустрэчы нацыянальных меншасцяў. Імрэза адбылася 6 лістапада. Выступілі спявачыя і танцавальныя калектывы беларускай, рускай, татарскай, украінскай і, вядома, літоўскай мяншыняў у Польшчы, а на самой справе ў Падляшскім ваяводстве. Гледачы мелі асаблівую нагоду палюбавацца разнастайнымі песнямі і народнымі касцюмамі.
Нашу беларускую культуру на гэты раз прадставілі ў Пуньску вакальны калектыў „Знічка” і танцавальны „Лявоніха” з Гайнаўскага белліцэя. На другі дзень пасля ўдалых выступленняў гайнаўская моладзь сустрэлася з аднагодкамі ў Пуньскім літоўскім ліцэі. Былі супольныя спевы ды матч валейболу.
Першы раз Сустрэчы нацыянальных меншасцяў у Пуньску адбыліся ў 1994 г. Былі яны тады вялікай падзеяй, размеркаванай ажно на тры дні. З увагі на недастатковыя фінансавыя сродкі з часам мерапрыемства скарацілі да двух дзён, а пасля толькі да аднаго. У 2019 г. і чарговыя тры гады запар Міністэрства ўнутраных спраў і адміністрацыі адмовілася ад фінансавання такой імпрэзы з увагі на яе шматнацыянальны характар. Цяпер гэта на шчасце памянялася.
Фота з Фейсбука
