18 кастрычніка ў Палацы мастацтва ў Мінску адкрылася выстаўка „Чалавечы фактар” пралукашэнкоўскай мастачкі Святланы Жыгімонт. У „Трыпціху” прысвечаным падзеям 2020 года на галоўным плане – Аляксандр Лукашэнка. Вось як патлумачыла на вернісажы аўтарка:
„Аляксандр Рыгоравіч намаляваны максімальна дакладна і вядома кіраўнік дзяржавы не ўзвышаецца на пастаменце, а прысеў на зямлю каля векавога дуба, што ўвасабляе моц чалавека і яго адданасць роднай зямлі. Аднак раскол у зямлі побач з ім нагадвае аб спробе дзяржперавароту, аб падзеле грамадства. У руцэ галоўны герой трымае далікатны васілёк, адзін з сімвалаў нашай краіны – гэта вернасць традыцыям, захаванне вопыту продкаў, павага да народа. Побач, як апошні аргумент, ляжыць аўтамат. Далейшы фон – метафара, якая адлюстроўвае нашу гісторыю, як мы жылі і жывём. Тут і горад, і вёска, і трактары, і каровы, якія пасуцца, і царква… Вяскоўцы працуюць, дзеці гуляюць, і ўсім ім свеціць сонца. Зямлі на гэтай карціне больш чым неба, паколькі Аляксандр Рыгоравіч менавіта да зямлі імкнецца, ён не лунае ў аблоках”.
