Pa prostu / Па-просту

Po pudlaśki / По-пудляські

  • Waśkowa spowed’ (1)

    Nadworie Styczeń sioho roku buw tepły i niemorozny. W Ryhoruwciach uże po tradycji bołoto, zemla rozmerzła. W miastowych czerewykach rozmemłeny kaluży preskokowaty treba, kob bołotom botiki ne barzo pobrudyty. Abo wody w ich ne nabraty. Peredom ide mużczyna pożyły, zhorbiany, pałkoju podperajetsia i ide czerez… ЧЫТАЦЬ ДАЛЕЙ / CZYTAJ DALEJ

RSS, Facebook i Telegram

Рэцэнзія

Усяслаў Чарадзей у школе Равенскага

У Варшаве ўжо некалькі гадоў працуе музычна-тэатральная Мастацкая школа імя Равенскага пад кіраўніцтвам Галіны Казіміроўскай. 

Зусім нядаўна, на адным з выніковых, перад летнімі канікуламі, мерапрыемстве старэйшыя дзіцячая група паказала ўнікальнае тэатральнае дзейства пад назвай “Фантастычныя прыгоды Усяслава Чарадзея”.

У чым адметнасць гэтай дзеі?

Дванаццаць хлопчыкаў і дзяўчынак, натхніўшыся жыццём і дзейнасцю легендарнага полацкага князя, напісалі вострасюжэтныя гісторыі ў якіх Чарадзей ратуе палачан ад інфернальнай багіні смерці Мары, перамагае дэманаў Чах-Чахаў, якія скралі Папараць-кветку, едзе ў Японію і змагаецца са славутым монстрам-кайдзю Гадзілай, змагаецца з лютымі разбойнікамі і падступнымі чарнакніжнікамі.

Вучні спярша напісалі свае апавяданні, затым склалі іх у своеасаблівую п’есу, якую акурат і прэзентавалі ў Варшаве, 19-га чэрвеня, у гасцінных сценах Старамейскага дома культуры. 

Па-сутнасці, атрымаўся сапраўдны тэатралізаваны серыял пра беларускага супергероя.

Чарадзей, паводле нястрыманай дзіцячай фантазіі, ператвараўся ў ваўка, лася, салаўя, жука, нават у папраць-кветку. 

Ён сябруе з Лесуном, русалкамі, Верасовікам, Зюзем, Купальскім дзядком ды іншымі айчыннымі міфалагічнымі героямі. 

Было бачна, што юныя аўтары не толькі добра вывучылі біяграфію Усяслава Чарадзея, легенды, звязаныя з ім, той час у якім ён жыў, але і выдатна арыентуюцца ў нашай міфалогіі, шыкоўна ведаюць не толькі галоўных міфічных істот, але і другарадных. 

Акрамя таго тут нямала алюзій з нашым часам і рэаліямі, што робіць гэты твор надзвычай актуальным.

Калі я глядзеў “Фантастычныя прыгоды Усяслава Чарадзея”, то злавіў сябе на думцы, што ў нас пачынае стварацца ўнікальны фэнтэзійны свет, які захопіць сучасных беларускіх школьнікаў, той свет, які у свой час прыдумлялі Толкіен альбо Джаан Роўлінг, той свет, які тварыў Уладзімір Караткевіч.

Артысты ігралі пакуль без касцюмаў і дэкарацый. 

Гэта быў хутчэй эскіз спектакля. Уся сцэнаграфія – дванаццаць крэслаў пастаўленых паўколам. Але энергія артыстаў, іх экспрэсія, радасць ад таго, што яны робяць, пачынаюць захопліваць і гледача. Ты перастаеш бачыць недахопы ці адсутнасць нейкіх тэатральных элементаў, твая фантазія дабудоўвае адсутнае.

Вучні ды іх настаўнікі не збіраюцца спыняцца на дасягнутым.

За лета яны дапрацуюць літаратурны матэрыял.

У планах – выдаць асобным выданнем кнігу “Фантастычныя прыгоды Усяслава Чарадзея”, дзе ілюстрацыі зробяць самі навучэнцы Мастацкай школы імя Равенскага.

Восенню праца над спектаклем працягнецца, так што самае цікавае – наперадзе.

Школа імя Равенскага робіць вельмі важную справу – выхоўвае моладзь, якая пачынае тварыць новы беларускі культурніцкі дыскурс, новую літаратуру, ствараць новых супергерояў, рабіць тое, чаго ніхто з іх папярэднікаў яшчэ не рабіў.

Кастусь Гук

Календарыюм

Гадоў таму

  • у лістападзе

    685 – у 1341 г. войскі Вялікага Княства Літоўскага акружылі крыжацкую цьвердзь Баербург і прыступілі да яе здабыцьця. Падчас атакі загінуў вялікі князь Гедымін. 210 – 4.11.1816 г. у мястэчку Кублічы каля Лепеля нар. Арцём Вярыга-Дарэўскі (пам. у ссылцы ў Сібіры …ЧЫТАЦЬ ДАЛЕЙ / CZYTAJ DALEJ

Новы нумар / Novy numer

Папярэднія нумары / Poprzednie numery

Усе правы абаронены; 2026 Czasopis
Social Media Auto Publish Powered By : XYZScripts.com