Pa prostu / Па-просту

Po pudlaśki / По-пудляські

  • Waśkowa spowed’ (1)

    Nadworie Styczeń sioho roku buw tepły i niemorozny. W Ryhoruwciach uże po tradycji bołoto, zemla rozmerzła. W miastowych czerewykach rozmemłeny kaluży preskokowaty treba, kob bołotom botiki ne barzo pobrudyty. Abo wody w ich ne nabraty. Peredom ide mużczyna pożyły, zhorbiany, pałkoju podperajetsia i ide czerez… ЧЫТАЦЬ ДАЛЕЙ / CZYTAJ DALEJ

RSS, Facebook i Telegram

Матура па беларускай мове

Матуральны экзамен у белліцэі ў Гайнаўцы bialorushajnowka.pl
Матуральны экзамен у белліцэі ў Гайнаўцы
bialorushajnowka.pl

20 траўня звыш 130-ці вучняў апошніх класаў Бельскага і Гайнаўскага белліцэяў пісалі экзамен на атэстат сталасці па беларускай мове. Найбольш папулярнай тэмай, якую яны выбіралі, было: „У чым заключаецца асаблівая сувязь чалавека з малой айчынай, абапіраючыся на фрагмент паэмы Якуба Коласа „Новая зямля”. Моладзь таксама мела заданне зрабіць аналіз тэкстаў публіцыстычных. Да выбару былі „А ў пушчы сіла” Яўгена Вапы і „Мова і нацыянальная свядомасць” Юры Капоніна.

У ліцэі імя Браніслава Тарашкевіча ў Бельску-Падляшскім матуральны экзамен па беларускай мове пісалі 62 выпускнікі, васьмёра былі звольнены як лаўрэаты або фіналісты алімпіяды беларускай мовы. У ліцэі з беларускай мовай навучання – адпаведна 72 і 12.

У гэтым годзе выпускнікам рыхтавацца да матуры было складана з увагі на тое, што з кастрычніка навучанне ў школах было дыстанцыйнае. Нягледзячы на тое, як у радыёперадачы „Пад знакам Пагоні” сказаў сказаў дырэктар Бельскага белліцэя Андрэй Сцепанюк, моладзь удалося добра падрыхтаваць да гэтага экзамену. – У школе праводзіліся кансультацыі, былі пробныя матуры, – патлумачыў. Дырэктар са смуткам сказаў, што з году ў год змяншаецца лік вучняў у ліцэі. Паводле яго гэта вынік дэмаграфічнага спаду, але і паступаючай асіміляцыі беларускай меншасці. – Штораз цяжэй пераканаць моладзь, каб яшчэ ўглыбляліся ў беларускую мову, літаратуру і культуру, прывязвала ўвагу да сваёй тоеснасці, – сказаў ён з нескрываным болем.

Менш песімістычна ў той жа перадачы выказаўся дырэктар Гайнаўскага белліцэя Ігар Лукашук. Сказаў што, ў яго школе ад некалькі гадоў стабілізаваўся лік вучняў. Кожны год удаецца скамплектаваць тры першыя класы. У некаторых частка прадметаў навучаецца на дзвюх мовах – па-польску і па-беларуску.

Календарыюм

Гадоў таму

  • у лістападзе

    685 – у 1341 г. войскі Вялікага Княства Літоўскага акружылі крыжацкую цьвердзь Баербург і прыступілі да яе здабыцьця. Падчас атакі загінуў вялікі князь Гедымін. 210 – 4.11.1816 г. у мястэчку Кублічы каля Лепеля нар. Арцём Вярыга-Дарэўскі (пам. у ссылцы ў Сібіры …ЧЫТАЦЬ ДАЛЕЙ / CZYTAJ DALEJ

Новы нумар / Novy numer

Папярэднія нумары / Poprzednie numery

Усе правы абаронены; 2026 Czasopis
Social Media Auto Publish Powered By : XYZScripts.com