„Басовішча” – 25-ы раз – Юрка Хмялеўскі (9/2014)

Ва ўрочышчы Барык у Гарадку 18-19 ліпеня прайшоў 25-ты Фестываль музыкі маладой Беларусі „Басовішча – 2014”. Выступілі выканаўцы, якія ў большасці вядомыя з папярэдніх выпускаў. З увагі на юбілейны характар канцэртаў не было таксама конкурсу, у якім звычайна бяруць удзел маладыя беларускія і польскія гурты.
Як першы выступіў гурт Тлушч з Мінска, які ўзнік толькі ў мінулым годзе, хаця яго ўдзельнікі даўно з сабою знаёмыя, як і ў панк року, які іграюць.
Пасля на сцэну ўвайшоў заснаваны ў 1999 г. гурт :B:N. з Бярозы, які стаў пераможцам „Басовішча” ў 2002 г.
Як наступны мяшанку року, гіп-гопу, ска і фанку зайграў мінскі гурт IQ48, заснаваны ў 2000 г., пераможца „Басовішча” ў 2003 г.
Затым на сцэне паявіўся фольк-метал-гурт Літвінтролл таксама з Мінска, заснаваны ў 2005 г.
Ужо змяркала, калі на сцэну ўвайшоў адзіны таго дня гурт з Беласточчыны, ад беларускай мяншыні ў Польшчы, – 5set5. Узнік ён у Гарадку ў 1998 г., калі гэтая мясовасць ўрачыста адзначала сваё 500-годдзе (адтуль і назва). З вядомай вакалісткай Ілонай Карпюк у гурце граюць гарадоцкія і міхалоўскія музыкі.
Пасля выступіў гурт Re1ikt, таксама добра вядомы ў Гарадку, не толькі з „Басовішча”, але і канцэрта ў рамках „Бардаўскай восені”. Гурт узнік у 2001 г. у Светлагорску.
Першы дзень фестывалю завяршыў легендарны гурт ZNICH, які ўзнік у Мінску ў 1996 г.
Другі дзень адкрыў Nizkiz з Магілёва. Затым на сцэне з’явілася легендарная Троіца з харызматычным музыкай Іванам Кірчуком. Група, якая выконвае музыку ў стылі folk-fusion, з 1995 г. дала больш за сто канцэртаў у Беларусі, Польшчы, Германіі, Галандыі, Аўстрыі, Венгрыі, Расеі, Бельгіі, Партугаліі, Славеніі, Харватыі, Босніі і Герцагавіне.
Безумоўна, найбольшай падзеяй юбілейнага „Басовішча” стаў канцэрт незвычайнага гурта АБ-БА Аркестр, які ўзнік вясной гэтага года менавіта з нагоды юбілею фестывалю. Гэта група 25 вучняў Пачатковай школы No 4 у Беластоку і музыкі з Гарадка ды Міхалова пад кірункам Паўла Азяблы. Выканалі яны песні-хіты, якія на працягу апошніх 25-ці гадоў прагучалі ў Барыку. Лідары гуртоў, якія іх выконвалі, выступілі цяпер разам з дзеткамі. Былі гэта м.інш. Лявон Вольскі (заадно артыстычны кіраўнік праекта), Ігар Варашкевіч (з Крамы), Юрка Асеннік (з Р.Ф. Брага). Апякункай дзіцячай групы з’яўляецца Аліна Ваўранюк, настаўніца беларускай мовы ў ПШ No 4.
Пасля выступілі яшчэ польскі гурт R.U.T.A., Крама (адзіны гурт, які іграў на першым Басовішчы), украінскі рок-гурт Гайдамакі, а завяршыў фестываль гурт „цяжкай” музыкі ТТ-34 з Гомеля.
Вядучым быў беларускі рэпер Вінсэнт. „Басовішча” сарганізавалі, так як у мінулым годзе, Беларускае аб’яднанне студэнтаў ды Фонд Villa Sokrates. Многія з маладых арганізатараў – валанцёраў – гэта ўжо дзеці тых, хто арганізаваў першыя выпускі „Басовішча”.
Галоўнымі спонсарамі былі – так як у мінулым годзе – Міністэрства адміністрацыі і лічбавізацыі ды Міністэрства замежных спраў (у рамках польска-беларускіх дзеянняў).

У тэксце выкарыстаны інфармацыі з запісу трансляцыі фестывалю на сайце Радыё Рацыя.

Komentarze

  1. I like what you guys are up too. Such smart work and reporting! Keep up the excellent works guys I have incorporated you guys to my blogroll. I think it will improve the value of my site 🙂

  2. FKWlj0 Keep up the excellent piece of work, I read few blog posts on this web site and I conceive that your weblog is rattling interesting and has bands of superb info.

  3. „Wow! This can be one particular of the most helpful blogs We’ve ever arrive across on this subject. Actually Wonderful. I am also a specialist in this topic therefore I can understand your hard work.”